Pas shumë polemikave, shpallen fituesit e çmimeve “Kult” 2020
Shpallja e kandidaturave për çmimet “Kult” u shoqërua me një sërë polemikash këtë vit. Drejtoresha e teatrit “Migjeni” të Shkodrës, Rita Gjeka, doli hapur kundër kandidaturave, duke u shprehur se prej kohësh i kishte kërkuar akademisë që të mos nominohej asnjë shfaqje e teatrit “Migjeni”, pasi nuk pranonte të vlerësoheshin nga disa persona që nuk e kanë ndjekur fare shfaqjen. Ajo tha se organizatorët e kësaj ceremonie nuk i kanë ndjekur kurrë shfaqjet e teatrit “Migjeni” e nuk kishin se si të bënin vlerësime e të zgjidhnin një fitues. Gjithashtu Gjeka kërkoi që të bëheshin publik emrat e 45 anëtarëve të jurisë, që do të bënin përzgjedhjen për “Regjinë më të mirë”.
Megjithatë mes këtyre debateve, “Akademia Kult” ka finalizuar eventin me shpalljen e fituesve. Për shkak të kushteve të pandemisë, nuk u mbajt një ceremoni madhështore ashtu siç bëhet çdo vit, por fituesit janë shpallur online. Juria e përbërë nga 184 anëtarë ka përzgjedhur “Thërrime dashurie” të Marsela Çibukajt si “Kënga e vitit”, Ema Andrean si “Aktorja e Vitit”, Indrit Çobanin si “Aktori i Vitit” etj.
Më poshtë lista e plotë e fituesve:
KENGA E VITIT
- MARSELA ÇIBUKAJ – “THËRRIME DASHURIE”
INTERPRETUESI LIRIK I VITIT
- IVANA HOXHA – AZUCENA tek opera “TROVATORE”
BALERINI/A I/E VITIT
- LORI BALA dhe ROVENA SHQEVI – BALETI “ANNUNCIATION” NGA ANGJELIN PRELJOCAJ
INSTRUMENTISTI I VITIT
- KLAJDI SAHATÇI – VIOLINË, MENDELSON & BRAMS, KONCERT ME ORKESTRËN SIMFONIKE TË RTSH
AKTORJA E VITIT
- EMA ANDREA – LJUBOV ANDREJEVNA tek “KOPSHTI I QERSHIVE”
AKTORI I VITIT
- INDRIT ÇOBANI – BELIZE’ tek “ENGJËJT E AMERIKËS”
REGJIA E VITIT
- ARBEN KUMBARO – “ENGJËJT E AMERIKËS”
LIBRI ARTISTIK I VITIT
- TOM KUKA – me romanin “ORA E LIGË”
LIBRI STUDIMOR I VITIT
- ARTAN FUGA – “SHOQËRIA PIRAMIDALE”
PËRKTHIMI I VITIT
- MIRA MEKSI – “100 VJET VETMI” të MIGUEL GARCIA MARKEZ
ARTISTI PAMOR I VITIT
- GAZMEND LEKA – PIKTURË, EKSPOZITA “DHOMA E HAPAVE TË HUMBUR”
