Pas Twitter-it, META plani i Zuckerberg-ut për të pushuar nga puna mijëra punonjës

Meta, kompania e Mark Zuckerberg që zotëron Facebook dhe Instagram, planifikon të fillojë pushimet masive nga puna këtë javë që do të prekë mijëra punonjës, raportoi Wall Street Journal dhe kjo do të shpallet zyrtarisht që të mërkurën. Kompania nuk pranoi të komentojë për këtë.

Muajin e kaluar, Meta parashikoi një tremujor të tretë të dobët të vitit dhe një rritje të ndjeshme të kostove vitin e ardhshëm, gjë që do të fshinte rreth 67 miliardë dollarë nga vlera e tregut të kompanisë. Kjo i shton humbjet prej 500 miliardë dollarësh deri më tani këtë vit.

Rezultatet zhgënjyese janë për shkak të rritjes së ngadaltë ekonomike globale, konkurrencës nga TikTok, shqetësimeve për shpenzimet masive në metaverse dhe kërcënimeve gjithnjë të pranishme të rregullimit. CEO Mark Zuckerberg pret që investimet në metaverse të shpërblehen brenda një dekade. Ndërkohë, punësimet e reja janë ngrirë, projektet janë ndalur dhe ekipi duhet të riorganizohet për të ulur kostot.

Kjo vjen vetëm disa ditë pasi Twitter pushoi nga puna rreth gjysmën e 8,000 punonjësve të saj dhe pati gjithashtu shkurtime të vendeve të punës në Snapchat.

LEXO EDHE:

Back to top button