Pendarovski: Ne do të mbështesim plotësisht popullin ukrainas në mbrojtjen e territorit dhe lirisë

Sot në Madrid zyrtarisht filloi Samiti i NATO-s, në të cilin merr pjesë edhe presidenti i vendit Stevo Pendarovski dhe delegacionit të Republikës së Maqedonisë së Veriut në përbërje të ministrit të jashtëm dhe të mbrojtjes, Bujar Osmani dhe Sllavjanka Petrovska.

Në ceremoninë e mirëseardhjes, krerët e delegacioneve u përshëndetën nga nikoqiri, kryeministri i Mbretërisë së Spanjës, Pedro Sanchez dhe Sekretari i Përgjithshëm i NATO-s, Jens Stoltenberg.

Presidenti Pendarovski më herët ka deklaruar se ky samit është një mundësi unike për të gjithë aleatët që të tregojnë forcë dhe kohezion në raport me detyrat tona aktuale dhe të ardhshme.

“Ky samit është i veçantë dhe sipas një specifike tjetër. Asnjëherë në historinë e Aleancës që nga viti 1949 nuk është organizuar një samit në të njëjtën kohë kur lufta po zhvillohet në kontinentin evropian. Mund ta imagjinoni që lufta në Ukrainë, pra pushtimi rus i Ukrainës dikton axhendën e samitit, kështu që deri në fund të kësaj dite, ne duhet të miratojmë Konceptin e ri Strategjik, i cili u sinkronizua plotësisht dje nga të gjithë aleatët dhe natyrisht, duhet të miratojë Memorandumin e Mirëkuptimit të rënë dakord dje dhe të ftojë dy vendet e reja të anëtarësohen në Aleancë sa më shpejt të jetë e mundur, pasi të gjitha procedurat protokollare të jenë miratuar nga të gjithë aleatët. Unë mendoj se kjo është koha e duhur për të treguar se ka solidaritet dhe kohezion të shtuar brenda Aleancës dhe se ne do të mbështesim plotësisht popullin ukrainas në mbrojtjen e territorit të saj dhe lirisë, në thelb duke luftuar për vlerat demokratike dhe lirinë për të gjithë”, deklaroi presidenti Steve Pendarovski.