Përshkallëzohet dhuna në Bregun Perëndimor, 6 viktima

Rriten tensionet mes Izraelit dhe Palestinës pas vrasjes së ushtarit izraelit. Ditën e sotme janë vrarë 5 palestinezë në një sulm të madh izraelit kundër një grupi militant në Bregun Perëndimor. Ndërsa një palestinez i gjashtë u qëllua për vdekje nga trupat izraelite, të cilët u sulmuan me gurë në një protestë, thonë burimet mjekësore palestineze.

Operacioni në qytetin verior të Nablusit kishte në shënjestër grupin e Lion’s Den të formuar së fundmi, i cili vrau ushtarin 21-vjeçar izraelit në fillim të këtij muaji në një pritë pranë një vendbanimi izraelit.

Forcat e Mbrojtjes së Izraelit (IDF) kishin mbyllur Nablusin në dy javët e fundit për të kërkuar vrasësin e rreshterit 21-vjeçar të shtabit Ido Baruch.

Intensifikimi i dhunës midis Izraelit dhe Palestinës në Bregun Perëndimor është rritur në javët e fundit mes një operacioni të vazhdueshëm izraelit për të çrrënjosur militantët pas sulmeve vdekjeprurëse kundër izraelitëve në fillim të këtij viti.