Pioli rrezikohet nga Konte për postin e trajnerit te Milani?!
Përballja e 1/8-ave të Ligës së Kampionëve, e cila pa Milan-in të triumfonte 1-0 në “San Siro” në ndeshjen e parë, është pikënisja e madhe për të tashmen dhe të ardhmen e skuadrës.
Dhe të vetë Stefano Pioli-t, duke qenë se në kampionat shanset për titull janë zhdukur dhe kualifikimi në fazën tjetër të Ligës së Kampionëve, është absolutisht thelbësore për të mbajtur skuadrën në krye.
Në këtë kuptim, hija e Antonio Kontes është e destinuar të bëhet gjithnjë e më intensive. Lamtumira e tij me ‘Spurs’, me kontratën që i skadon më 30 qershor 2023, duket e pashmangshme. Po aq i mundshëm duket edhe rikthimi i ish-trajnerit në Itali.
Është folur shumë për Juventus-in edhe nëse pista që rrezikon të bëhet e nxehtë është ajo e kuqezinjve. Sepse nëse Stefano Pioli nuk kalon turin ndaj Totenham-it, duke mos arritur deri në çerekfinale, atëherë në fund të vitit divorci me trajnerin Pioli do të ishte praktikisht i sigurt.
Milan-i do të rifillonte nga një emër i madh dhe Konte mbetet në pole position. Një sfidë që do të intrigonte si klubin kuqezi ashtu edhe trajnerin nga Salento, i etur për t’u rikthyer si protagonist në Serinë A. Me pak fjalë, Konte është shumë më tepër se një mundësi në Milan.
