Policia Financiare me ankesë ndaj kryeprokurores Vilma Ruskoska

Policia Financiare ankohet për veprimet e Prokurorisë për Ndjekjen e Krimit të Organizuar dhe Korrupsionit, të cilat kërkuan dokumentacione në administratë javën e kaluar, pas një kontroll të detajuar.

Madje për këtë kontroll, është parashtruar ankesë deri te prokurori publik Joveski.

Administrata mendon se ka pasur të meta thelbësore në urdhrin e bastisjes, por edhe në mënyrën e veprimit, të cilat kanë dalë jashtë fushës së praktikës ligjore.

Administrata pretendon se kërkimi i ekipit të kryeprokurores Vilma Ruskoska ishte i pabazë, megjithëse ata thonë se i dhanë qasje të papenguar në ambientet e tyre për të zbatuar urdhrin.
Prokurorja Ruskoska javën e kaluar njoftoi se po veprojnë sipas kallëzimit të një qytetari për të verifikuar nëse ankesa ka bazë dhe për ta vërtetuar atë.