Prokuroria kërkon paraburgim për një burrë dhe një grua nga Bullgaria

Një burrë dhe një grua me shtetësi bullgare dyshohen për mashtrim dhe për ta është kërkuar masa e paraburgimit. Personat në fjalë përmes bisedës telefonike kanë mashtruar një banore të Aerodromit nga e cila kanë marrë 8.000 euro.

“Duke përdorë mashtrime dhe duke paraqitur fakte të rreme, të dyshuarit e kanë shtyrë të dëmtuarën që herën e parë t’i japë 5.100 euro, ndërsa më pas 2.900 euro të tjera”, informon sot Prokuroria Publike e Shtetit.

Duke marrë parasysh që të dyshuarit janë shtetas të huaj pa qëndrim të rregulluar në vend dhe ekziston rreziku i lartë për arratisje, prokurori publik deri te gjyqtari i procedurës paraprake nga Gjykata Themelore Penale Shkup ka dorëzuar propozim për caktimin e masës së paraburgimit.