Propozim i ri nga pesë vende të BE-së: të kufizohet përkohësisht e drejta e votës për anëtarët e ardhshëm

Këshilli i Ambasadorëve ka përshëndetur iniciativat e reja evropiane për integrimin gradual të vendeve të Ballkanit Perëndimor në Bashkimin Evropian. Sipas këtij organi, dokumenti i përbashkët franko-gjerman i prezantuar në Samitin e Tivatit sinjalizon një qasje të re dhe më fleksibile ndaj politikës së zgjerimit të BE-së. Iniciativat parashikojnë qasje të pjesshme në tregun e përbashkët evropian, pjesëmarrje në programet e Unionit dhe përfshirje graduale në politikat evropiane edhe para anëtarësimit të plotë.

Këshilli vlerëson se ky model mund të sjellë përfitime konkrete për qytetarët, bizneset dhe institucionet e vendit. Megjithatë, ai thekson se integrimi gradual duhet të shoqërohet edhe me qasje në fondet kohezive dhe strukturore të BE-së. Këshilli i Ambasadorëve nënvizon se integrimi gradual nuk duhet të zëvendësojë anëtarësimin e plotë, i cili mbetet qëllimi përfundimtar i procesit të zgjerimit të Bashkimit Evropian.