Qeveria greke propozon për kryetare të Kuvendit deputetin Kaklamanis nga Demokracia e Re

Grupi parlamentar i Demokracisë së Re propozon deputetin e tyre, deputetin Nikitas Kaklamanis për kryetar të Kuvendit të Greqisë, njoftoi zëdhënësi i qeverisë Pavlos Marinakis në konferencën e sotme të rregullt për media.

Pasi kryeministri grek deklaroi dje se kryetari aktual i Kuvendit, Konstantinos Tasoulas, është zgjedhja e qeverisë për kreun e shtetit, Tasoulas ka dhënë sot dorëheqjen duke i hapur rrugën zgjedhjes së kryetarit të ardhshëm të Kuvendit.

Kaklamanis është një ish-kryetar i bashkisë së Athinës dhe ish-ministër i Shëndetësisë dhe ka qenë nënkryetar i Parlamentit nga viti 2015 deri në vitin 2023.

Sipas mediave greke, procedurat për zgjedhjen e kryetarit të Kuvendit pritet të nisin të mërkurën, tre ditë para mbajtjes së votimit të parë të deputetëve për zgjedhjen e Presidentit të Greqisë.