Qeveria i merr lejen për prodhim të kanabisit kompanisë “5 letters”
Qeveria me propozim të Ministrisë së Shëndetësisë i ka marrë lejen për prodhim të kanabisit dhe produkteve të kanabisit kompanisë “5 letters”. Vendimi është marrë pas kontrolleve që ka kryer Komisioni në fshatin Alldincë të Krushevës, nga çka janë konstatuar parregullsi të shumta. Alsat e ndjek këtë rast me muaj, ndërsa qysh në janar kemi raportuar se policia kishte konfiskuar 18.300 rrënjë të kanabisit nga fabrika në fshatin Alldincë, për të cilat kompania nuk ka realizuar evidencë.
