Qeveria ka ulur taksën doganore për kompanitë e huaja

Qeveria, me kërkesë të investitorëve të huaj në vend, ka ulur taksat doganore për 32 produkte importi dhe përbërës që vijnë nga Bashkimi Evropian. Sipas informacionit të televizionit Alsat, vendimi për uljen e taksave do të hyjë në fuqi më 1 nëntor dhe ndikimi në buxhet në nivel vjetor do të jetë mbi 4.6 milion euro. Këto ulje të doganave janë për prodhimin e produkteve të avancuara teknologjike. Sipas informacioneve, importi vjetor i produkteve të tilla nga BE është 167.3 milion euro. Këtë masë, që e kërkonin kryesisht kompanitë gjermane në vend, dje e njoftoi ministri i ekonomisë, Kreshnik Bekteshi.