Reali beson se mund të përmbys rezultatin në sfidën kthyese ndaj Barcelonës

Real Madridi do të rikthehet në aksion nga pushimi ndërkombëtar kundër Valadolidit këtë të diel, mirëpo fokusi i ekipit është për sfidën kthyese të gjysmëfinales së Kupës së Spanjës.

“Los Blancos” duhet të shkojnë te Barcelona dhe të përmbysin një deficit 1-0 në ndeshjen e dytë gjysmëfinale të “Copa del Rey” për të shkuar në finale.

Pavarësisht humbjes në tre ndeshjet e fundit, skuadra e Real Madrid mendon se ka një shans të mirë për të marrë rezultatin që dëshiron nëse kalojnë herët në epërsi. Ata gjithashtu kanë një arsye kryesore për këtë besim – ata mendojnë se janë në formën më të mirë të sezonit. Ndonëse rezultatet ndoshta nuk e vërtetojnë këtë, kjo mund të jetë gjithashtu e vërtetë për sa i përket fitnesit.

Rruga e Real Madridit drejt fitores do të kërkojë gola, prandaj duket se do të kalojë përmes Karim Benzema dhe Vinicius Junior. Francezi ka qenë më poshtë se fundi, por pas një pushimi dy-javor mund të ketë qenë në gjendje të gjejë njëfarë mprehtësie. Nëse është kështu, ai ndryshon në mënyrë dramatike shanset e tyre për sukses.