Receta e ditës: Roll me spinaq dhe salmon
Nuk është sekret që peshku është i mirë për ne. Jo vetëm që është plot proteina dhe me pak yndyra të ngopura, por është gjithashtu i pasur me acide yndyrore omega-3, të cilat mund të zvogëlojnë rrezikun e sëmundjeve të zemrës dhe goditjes në tru.
Për ditët e nxehta të verës, ju rekomandojmë të hani ushqime të lehta dhe me vlera ushqyese, si kjo rrotull me salmon, një nga peshqit më të shëndetshëm .
Përbërësit e nevojshëm:
Për brumin: ½ kg spinaq, 4 vezë, kripë, piper, vaj. Për mbushje: 20 gr djathë, 2 lugë krem, kripë, piper, 130 gramë salmon të tymosur.
Përgatitja:
Për brumin: Pastroni dhe lani spinaqin. E skuqim në pak vaj derisa të zbutet dhe e heqim nga zjarri që të ftohet. Ndajmë të bardhat nga të verdhat dhe i rrahim fort. Rrihni të verdhat e vezëve dhe shtoni spinaqin e ftohur brenda dhe përzieni me kripë dhe piper. Në fund shtoni gradualisht të bardhat e vezëve dhe përziejini që masa të bashkohet. Masën e derdhim në një tepsi të mbuluar me letër furre dhe e pjekim në furrë të parangrohur në 180 gradë Celsius për rreth 15 minuta.
Për mbushjen grini imët djathin dhe e përzieni me kremin në mënyrë që të përftoni një masë të lyer. Sezoni sipas shijes.
Në një fletë letre vendosim brumin e pjekur të ftohur përmbys në anën ku është pjekur dhe e mbulojmë me mbushje, duke lënë 2 centimetra në një nga skajet më të gjera në mënyrë që të palosësh mirë rolenë. Përhapeni salmonin sipër djathit dhe mbështilleni rrotullën përgjatë anës së gjerë të brumit. Formoni rolen mirë në letër dhe lëreni në frigorifer gjatë gjithë natës. Para se ta servirni, e prisni në feta me trashësi mesatare.
