Remenski: Do të dëshmojë hyrjen e paautorizuar të policisë në shtëpinë time

Alsat
26.08.2020 15:50

Biznesmeni Adrian Amzoski nga ndërmarrja e Strugës “Drim Bilding” kërkon kompensim prej 195.000 eurosh për rastin e Lidhjes Ndërkombëtare. Kjo është 38.000 euro më pak se shuma që prokuroria ka deklaruar që Amzoski i ka paguar organizatës së Boki 13 për projekte fiktive. Sipas Prokurorisë i mashtruar është edhe biznesmeni Siljan Micevski. Ai i ka paguar rreth 720.000 euro një pensionisteje për projekte përmes Lidhjes së Boki 13, pas së cilës këto para i ka marrë asistentja e ish-pronarit të 1TV, Bojan Jovanovski. Micevski sot nuk erdhi në gjykatë për të treguar nëse dhe sa kërkon dëmshpërblim. Ai këtë mund ta bëjë gjatë gjykimit. Në gjykimin e sotëm, prokuroria filloi të paraqesë provat për Lidhjen Ndërkombëtare. Të parat në listë ishin dokumentet për hetimin e bërë dhe çfarë kanë gjetur në shtëpitë e të pandehurve. Te Jasna Ercegoviq kanë gjetur marrëveshje për donacione në 1TV. Ajo televizionit i dhuroi mbi 6 milion denarë. Ish-deputetja e akuzuar nga radhët e LSDM-së, Frosina Remenski, pohon se bastisja ne shtëpinë e saj ishte e paligjshme.

Do të lejojmë që materiali video gjatë hyrjes në shtëpi që është bërë nga Ministria e Brendshme të transmetohet, deri në hyrje. Sidoqoftë, bashkëngjisim edhe ne prova video për hyrjen e paautorizuar në shtëpinë time, kështu që këtu sigurisht që do t’i ballafaqojmë video materialet ku do të shohim se sa korrespondojnë me atë që është pretendim i Prokurorisë Publike dhe ai që është pretendimi im se kemi një hyrje plotësisht të paautorizuar dhe bastisje të paligjshme në shtëpinë time”-tha Frosina Tashevski Remenski

Në Lidhjen Ndërkombëtare të akuzuar janë Bojan Jovanovski i njohur si Boki 13, Jasna Ercegoviq , Frosina Remenski, asistentja dhe babai i Jovanovskit. Sipas prokurorisë, ata i kanë mashtruar biznesmenët Amzoski dhe Micevski. Nga ta kanë marrë gati një milion euro për projekte fiktive.

Igor Stefanovski