" "
Edicioni i ri i Ligës së Kampionëve do të nis sonte, me ndeshjet: Dinamo Zagreb – Çellsi dhe Borusia Dortmund – Kopenhagen. Të dy ndeshjet e para luhen me fillim nga ora 18:45, por vëmendja e adhuruesve të futbollit shkon në orarin 21:00.
Në orën 21:00 luhet ndeshja mes Paris Sen-Zhermeni dhe Juventusi, e cila në letër konsiderohet si përballja më interesante. Në të njëjtin orar luajnë edhe kampionët në fuqi, Real Madrid, të cilët udhëtojnë drejt Glasgou, për ndeshjen ndaj Seltikut.
Ndeshje interesante pritet të jetë edhe ajo e kampionëve të Anglisë, Man. Siti, të cilët kontestojnë tri pikë me skuadrën andaluziane, Sevilja.
