‘Rreziqet e fshehura’ të cigareve elektronike

Mendohet se rreth katër milionë njerëz janë përdorues të rregullt të cigareve elektronike,  rreth 350,000 prej tyre thonë se më parë nuk kanë qenë duhanpirës. Edhe pse fillimisht u besua se ato mund të ishin një alternativë e sigurt kundër cigareve tradicionale, provat sugjerojnë se cigaret me avull sjellin probleme shëndetësore.

Dëmtimi i organeve- Cigaret elektronike përmbajnë nikotinë dhe kimikate të tjera të ndryshme të cilat mund të shkaktojnë një sërë komplikimesh në organet dhe dëmtojnë mushkëritë, substancat brenda lëngut mund të shkaktojnë rreziqe shëndetësore për zemrën dhe trurin, të cilat mund të kenë komplikime serioze  të mëvonshme, thonë studiuesit.

Dhimbje në mushkëri- Shumë njerëz që përdorin cigare elektronike joshen nga gama e gjërë e shijeve të disponueshme që mund te zgjedhin. Kimikatet mund të rrisin rrezikun që një person të zhvillojë bronkiolit obliterans i cili mund të shkaktojë dhëmbëza të qëndrueshme në mushkëri”.

Lëndimi i mushkërive- Dëmtimi i mushkërive i lidhur me përdorimin e cigareve elektronike ose cigareve me avull është një gjendje serioze e mushkërive e shkaktuar nga avullimi dhe mund të ketë komplikime të rëndësishme në shëndetin e një personi madje duke shkaktuar vdekjen.

Sëmundjet e zemrës- Një numër studimesh kanë zbuluar se përdorimi i një cigareje elektronike mund të dëmtojë enët e gjakut po aq sa pirja e cigareve normale. Enët e gjakut luajnë një rol të madh në mbajtjen e zemrës të shëndetshme dhe kur ato dëmtohen, në këtë rast nga avullimi, mund të rrisë shanset që një individ të zhvillojë sëmundje të zemrës.

Astma-Një studim tjeter i kryer në vitin 2021 zbuloi se ata që përdorin cigare elektronike kanë më shumë gjasa të zhvillojnë astmë në krahasim me ata që nuk e përdorin. /RTSH