Rusia kërcënon me largim nga marrëveshja e drithërave

“Rusia ka kërcënuar se do të largohet nga marrëveshja e drithërave të Detit të Zi nëse nuk plotësohen kërkesat për të përmirësuar eksportet e saj të ushqimit dhe plehrave”.

Kështu u shpreh të shtunën zëvendësministri i Jashtëm,  Sergei Vershinin, shkruan The Guardian.

Marrëveshja e arritur korrikun e kaluar lehtëson transportin e sigurt të grurit, produkteve ushqimore dhe plehrave – përfshirë amoniakun – për eksport në tregjet globale.

Vershinin citohet të ketë thënë: “Nuk mund të jemi të kënaqur me mënyrën se si po zbatohet ky memorandum. Barrierat për eksportet tona mbeten.”

Ndërsa eksportet ruse të ushqimit dhe plehrave nuk i nënshtrohen sanksioneve perëndimore, Moska thotë se kufizimet në pagesa, logjistikë dhe sigurime kanë arritur në një pengesë për dërgesat.