Ruskoska: Hetimi për Dragi Rashkovskin është në fazën përfundimtare
Kryeshefja e Prokurorisë për ndjekje të krimit të organizuar dhe Korrupsionit, Villma Ruskoska, në një intervistë për Radio Evropa e Lirë, bëri të ditur se hetimi ndaj ish-Sekretarit Gjeneral të Qeverisë, Dragi Rashkovski është në fazën përfundimtare.
“Hetimi është në fazën përfundimtare. Kemi marrë materialin e ekspertizës financiare. Pritet edhe një ekspertizë tjetër, duhet të mbërrijë javën tjetër, dhe do të thirren të dyshuarit për të dhënë mbrojtjen e tyre, nëse dëshirojnë”, tha Villma Ruskoska.
