SHBA/ TikTok do paguajë 400 milionë dollarë pas padisë për të dhënat personale të të miturve
TikTok ka rënë dakord të paguajë 400 milionë dollarë për të zgjidhur një padi mbi mbledhjen e të dhënave personale të fëmijëve , njoftoi Departamenti i Drejtësisë i SHBA-së.
Marrëveshja nuk përfshin pranimin e fajit, sqaron njoftimi i ministrisë, i cili thekson, ndër të tjera, ndryshimin në statusin e pronësisë së TikTok në SHBA dhe rishikimin e praktikave të privatësisë së platformës.
Departamenti Amerikan i Drejtësisë ngriti një padi kundër TikTok në vitin 2024, gjatë presidencës së Biden, duke akuzuar platformën se u lejon fëmijëve nën moshën 13 vjeç të krijojnë llogari pa pëlqimin e prindërve, duke shkelur kështu ligjin amerikan.
Platformat online në SHBA e caktojnë moshën minimale për krijimin e një llogarie në 13 vjeç. Megjithatë, fëmijët mund t’i anashkalojnë kufizimet duke dhënë një datë lindjeje të rreme. Shumë i akuzojnë kompanitë e teknologjisë për mosveprim të qëllimshëm.
Në janar, ByteDance, kompania mëmë kineze e TikTok, u detyrua t’ia dorëzonte kontrollin e operacioneve të saj në SHBA një konsorciumi të kontrolluar nga investitorë amerikanë në mënyrë që të siguronte të ardhmen e platformës në vend./Euronews.
