Sanksionohen 210 vozitës në Shkup, 78 prej tyre për tejkalim të shpejtësisë

Ministria për Punë të Brendshme gjatë ditës së djeshme ka vazhduar me kontrollet e shtuara në trafik, me çrrastë vetëm në territorin e Qytetit të Shkupit ka regjistruar gjithsejtë 210 shkelje të rregullave të trafikut, prej tyre 78 për tejkalim të shpejtësisë, 22 për ngasje pa patentë shoferi, 17 për makina të paregjistruara dhe teknikisht të parregullta, 10 për ngasje të makinës në gjendje të dehur, 12 për shfrytëzim të telefonit gjatë vozitjes dhe 5 gjoba për kalim në të kuqe.