SHBA mes dy të këqijave: Diku -45°C, diku temperatura të larta rekord
Një stuhi dimërore ka goditur SHBA-në, duke mbyllur bizneset dhe shkollat në Dakotën Jugore dhe Veriore, Minesota dhe Wisconsin për shkak të stuhive. Pothuajse 5000 fluturime amerikane janë anuluar sot, raporton BBC.
Meteorologët parashikojnë fryrje të forta të erës që do të arrijnë shpejtësinë 80 km/h, ndërsa për shkak të erës së ftohtë në disa pjesë të Shteteve të Bashkuara, temperaturat mund të zbresin deri në -45 gradë Celsius.
Në shtetet veriore, parashikimet deri në gjysmë metër borë në disa pjesë mund të nënkuptojnë se zonat do të durojnë reshjet më të mëdha të borës në 30 vjet. Guvernatori i Minesotës, Tim Waltz, tha se Garda Kombëtare do të jetë gati për të ndihmuar shoferët e ngecur në stuhi.
“Ky është një kujtesë për të qëndruar në shtëpi dhe për të kufizuar udhëtimin nëse është e mundur,” paralajmëroi Departamenti i Transportit në Utah këtë mëngjes. Meteorologët thanë se stuhia mund të krijojë një brez akulli 1,200 milje (2,092 kilometra) të gjatë, nga Nebraska në New Hampshire.
Los Anxhelos, Kaliforni, ku normalisht është me diell dhe ngrohtë, do të ketë borë dhe erëra të forta në male dhe ultësirë të Venturas.
“E gjithë Kalifornia mund të shohë borë më vonë këtë javë,” shkroi në Twitter David Swain, një klimatolog në Universitetin e Kalifornisë-Los Anxhelos.
Ndryshe nga pjesa perëndimore e vendit, pjesë të pjesës lindore të Shteteve të Bashkuara do të përjetojnë temperatura të larta. Temperaturat në Orlando, Florida mund të arrijnë 32 gradë Celsius, dhe në Luiziana, New Orleans deri në 29 gradë.
longtime LA meteorologist: “I have to be totally honest with you guys: I’ve actually never seen a blizzard warning” pic.twitter.com/J8SS5uKTdR
— Mark Follman (@markfollman) February 22, 2023
“Ne e kemi parë këtë model gjatë gjithë dimrit, ku SHBA-ja perëndimore ka temperatura nën mesataren dhe ajo lindore ka temperatura mbi mesataren,” i tha BBC-së klimatologu Andrew Kruckiewicz i Universitetit të Kolumbisë.
2/22 – With unusually hot conditions in the forecast this week, you may be wondering ‘what’s up with the weather?’
Here’s a simplified graphic explaining how high pressure developing overhead will lead to a ‘heat dome’ and potentially record-breaking high temps this week #flwx pic.twitter.com/U4XMi1TO8J
— NWS Miami (@NWSMiami) February 22, 2023
Pjesë të mëdha të Kanadasë janë nën paralajmërime të motit, përfshirë Toronton. Aty priten të bien 10 deri në 15 centimetra borë dhe shi të ngrirë.
Megjithëse Kanadaja sapo kishte një temperaturë të lartë rekord për shkurt, pjesë të Torontos mund të shihnin akumulim të konsiderueshëm të akullit.
Paralajmërimet për të ftohtin ekstrem janë në fuqi për pjesë të Albertës, me temperatura që pritet të zbresin në minus 40 gradë Celsius në disa rajone.
🚨 At 10 pm PST/2 am AST, all weather stations of #Canada 🇨🇦 are below 0°C, which is pretty rare! #BCstorm #ONstorm pic.twitter.com/8yA5sKagYL
— Thierry Goose (@ThierryGooseBC) February 23, 2023
