Shkencëtarët kanë zbuluar se sa orë gjumë nevojiten për të shmangur barkun e birrës
Shkencëtarët kanë zbuluar se sa orë gjumë nevojiten për të shmangur barkun e birrës
Nëse dëshironi të ruani peshën tuaj ose thjesht të zvogëloni dhjamin në pjesën e poshtme të barkut, duhet të flini rreth 8 orë çdo natë.
Gjegjësisht, një studim i ri i publikuar në revistën Sleep Medicine hulumtoi lidhjen mes mungesës së gjumit dhe të ashtuquajturës yndyrë viscerale, e cila grumbullohet rreth organeve vitale dhe për këtë arsye lidhet me sëmundjet metabolike dhe rezistencën ndaj insulinës.
Synoni për një minimum prej 7 orësh gjumë në natë, dhe hulumtimet kanë treguar se një orë gjumë më pak në ditë mund të rrisë masën e yndyrës viscerale me rreth 12 gram.
Hulumtimi i fundit përfshin të dhëna nga më shumë se 5,100 të rritur të moshave 18 deri në 59 vjeç, të cilët iu përgjigjën Anketës Kombëtare të Shëndetit dhe të Ushqyerjes në SHBA nga 2011-2012 dhe 2013-2014. Subjektet zakonisht flinin rreth 7 orë çdo natë, dhe mosha mesatare ishte 37 vjeç.
Gjetjet vijnë pas vitesh paralajmërimesh për rreziqet e mungesës së gjumit, si rritja e rrezikut të infeksionit, plakja e trurit dhe madje edhe ndryshimet në sjellje.
Vetëm vitin e kaluar, ekspertët zbuluan se gati gjysma e amerikanëve vuajnë nga mungesa e gjumit. Ndërkohë, raporti World Obesity Atlas 2023 vlerëson se më shumë se gjysma e botës do të jetë mbipeshë ose obez deri në vitin 2035.
Shkaktuar nga stresi ose zakonet e jetesës si dieta e varfër ose pasiviteti, yndyra e brendshme është veçanërisht e dëmshme për shëndetin e përgjithshëm, sepse mund të çojë në diabetin e tipit 2, sëmundje të zemrës, goditje në tru, kancer gjiri, sëmundje Alzheimer dhe më shumë, sipas Healthline.
