Ky plan do të fillojë të zbatohet në fillim të vitit 2024 pas një marrëveshjeje të fundit me CEO të kompanisë mëmë të ChatGPT, OpenAI, Mira Murati, e cila ka lindur në Shqipëri, raporton Euroactive.
Modeli që do të përdoret nga qeveria shqiptare do të përfshijë përkthimin e dokumenteve në gjuhën shqipe dhe do të japë një pasqyrë të detajuar të ndryshimeve dhe shtesave të nevojshme në legjislacion në mënyrë që Tirana të respektojë rregullat e Bashkimit Evropian.
Kryeministri shqiptar Edi Rama tha se kjo mënyrë zvogëlon nevojën për “një ushtri përkthyesish dhe avokatësh, që kushton miliona euro” dhe se do të përshpejtojë procesin.
Rama njoftoi gjithashtu se inteligjenca artificiale do të zëvendësojë një pjesë të madhe të shërbimeve në pushtetin vendor dhe kombëtar, veçanërisht në prokurimet publike, në përpjekje për të luftuar korrupsionin.
Shqipëria është një vend kandidat për anëtarësim në BE që nga viti 2014 dhe pas disa vitesh vonesa të negociatave për shkak të lidhjes së progresit të Shqipërisë drejt anëtarësimit me përpjekjet e Maqedonisë së Veriut, procesi është zhbllokuar deri në verën e vitit 2022.
Kryeministri i Shqipërisë ka shprehur më parë zhgënjimin e tij për atë që ai pretendon se është mungesa e motivimit dhe entuziazmit të BE-së për zgjerimin dhe se vendi i tij mbahet peng nga vetoja greke, si dhe vetoja e Bullgarisë kundër pranimit të Maqedonisë së Veriut.
Greqia po bllokon letrën e 27 vendeve anëtare drejtuar Komisionit Europian për hapjen e pesë kapitujve të parë për pranimin e Shqipërisë në BE, shkruan “Euroactive”.
