Skuadra e njohur holandeze kërkon Mërgim Berishën
Skuadra holandeze, PSV Aindhoven po kërkon zëvendësimin e Dojlen Malen, i cili është transferuar te Borusia Dortmund. Tani, klubi holandez menjëherë dëshiron ta zëvendësojë Malen dhe objektivi kryesor është sulmuesi i Salzburgut, Mërgim Berisha.
Sipas lajmeve nga Holanda, agjenti i Berishës ka kontaktuar me PSV-në dhe negociatat pritet të fillojnë së shpejti. Berisha kishte shkëlqyer në Ligën e Kampionëve në sezonin e kaluar dhe më pas në Kampionatin Evropian U21 me Gjermaninë ku ka bindur skuadrat evropiane për kualitetet e tij.
