Një tërmet me magnitudë 5.0 ballë tronditi ndërtesat në qytetin më të madh të Turqisë, Stambollin.
Si pasojë, disa njerëz kanë dalë me vrap në rrugë, thanë dëshmitarë dhe autoriteti i fatkeqësive dhe emergjencave AFAD.
Nuk kishte raportime të menjëhershme për dëme serioze në qytetin me 16 milionë banorë, tha zyra e Guvernatorit të Stambollit në X, duke shtuar se ekipet e saj në terren kishin filluar inspektimet.
Tërmeti ndodhi në orën 14:55 në Detin Marmara, në jugperëndim të Stambollit dhe pranë qytetit bregdetar të Marmaraereglisi, përgjatë një vije të çarë gjeologjike që prej kohësh konsiderohet si një rrezik për qytetin.
Në prill, më shumë se 150 njerëz u lënduan kur u hodhën nga ndërtesat pas një tërmeti me magnitudë 6.2 ballë në Stamboll, duke shënuar një nga dridhjet më të forta të qytetit në vite.
Dy vjet më parë, Turqia pësoi tërmetin më vdekjeprurës dhe më shkatërrues në historinë e saj moderne.
Tërmeti me magnitudë 7.8 ballë në shkurt të vitit 2023 vrau më shumë se 55,000 njerëz dhe nga ai u lënduan më shumë se 107,000 në Turqinë jugore dhe Sirinë veriore.
