Suedia premton paketë të re ndihme ushtarake për Ukrainën

“Suedia do të vazhdojë të jetë një mike e ngushtë dhe të mbështesë Ukrainën”, tha Andersson.

Kuleba i Ukrainës e shfrytëzoi vizitën e tij në Stokholm për të falënderuar liderët suedezë për atë që ka bërë vendi që kur Rusia filloi agresionin mbi Ukrainën në shkurt, por edhe për të kërkuar mbështetje të vazhdueshme.

“Për sa kohë që lufta të vazhdojë, ne do të kërkojmë më shumë armë”, ka theksuar Kuleba.

Angazhimi i ripërtërirë vjen pasi raportet treguan se mbështetja ushtarake nga fuqitë e mëdha evropiane, si Gjermania dhe Franca, është ngadalësuar muajt e fundit, ndërsa Ukraina thuhet se po përgatitet për një kundërsulm.