Sulm terrorist në një shkollë të Ugandës, 25 persona humbin jetën 

Të paktën 25 persona janë vrarë në një shkollë në Ugandën perëndimore nga rebelët e lidhur me grupin Shteti Islamik.

Tetë persona të tjerë mbeten në gjendje kritike pas sulmit në shkollën e mesme Lhubirira në Mpondwe.

Policia thotë se sulmi i së premtes u krye nga Forcat Demokratike Aleate (ADF) – një grup ugandan me bazë në Republikën Demokratike të Kongos.

Ushtarët po ndjekin grupin që u largua drejt parkut kombëtar Virunga në DRC, shtoi policia.