Sulmoi fizikisht njerkën e tij, ndalohet nga policia

Ministria për Punë të Brendshme njofton se gjatë ditës së djeshme policia në Tetovë ka arrestuar 25 vjeçarin D.I. i cili dyshohet se ka sulmuar fizikisht njerkën e tij.

“Mbrëmjen e djeshme (02-qershor) rreth orës 22.00, në rrugën “29-Nëntori” në Tetovë, zyrtarët policorë të SPB-Tetovë kanë privuar nga liria 25-vjeçarin D.I. nga Tetova, i cili paraprakisht ishte denoncuar nga njerka e tij 48-vjeçare se e kishte sulmuar fizikisht. Ai është ndaluar në Stacionin Policor-Tetovë për zbardhjen dhe dokumentimin e rastit”, njoftojnë nga SPB-Tetovë.