Tajlandë, zbulohet skeleti i rrallë i një balene
Një skelet balene që mendohet të ketë ekzistuar 3000 deri 5000 vjet më parë është zbuluar në Tajlandë, i ruajtur në mënyrë të përsosur. Skeleti i gjatë 12 metra mendohet të jetë ai i një balene Bryde. Ai u gjet në fillim të nëntorit rreth 12 kilometra larg bregut në perëndim të Bangkokut. Ekspertët shpresojnë se gjetja e saj mund të hedhë dritë në të kaluarën, veçanërisht për kërkime mbi nivelet e detit dhe biodiversitetin. Më shumë se 80% e skeletit deri më tani është rikuperuar. Vetëm koka e skeletit vlerësohet të jetë rreth 3 metra e gjatë. Gjiri i Tajlandës ka një histori interesante në 10 000 vitet e fundit, me nivele deti ndoshta deri në 4 milionë më të larta se sot dhe aktivitet aktiv tektonik. Skeleti u gjet në vijën bregdetare aktuale në Samut Sakhon. Balenat Bryde, të cilat jetojnë në të gjithë botën në ujëra të ngrohtë dhe tropikalë, gjenden edhe sot në ujërat përreth Tajlandës.