Tashmë e konfirmuar shkencërisht: Nëse babai pi alkool menjëherë para ngjizjes, mund të dëmtojë seriozisht foshnjën

Shkencëtarët amerikanë kanë zbuluar se pirja e madhe e alkoolit në muajt para konceptimit mund të ndikojë në sytë, kokën, gojën dhe nofullën e foshnjës. Arsyeja për këtë është një sindromë e mundshme e quajtur çrregullimi i spektrit të alkoolit të fetusit (FASD), i cili ndikon në rritjen e foshnjës në mitër. Hulumtimet e mëparshme kanë treguar gjithashtu se pirja e alkoolit tek nënat mund të çojë në hundë më të shkurtra dhe të lakuara tek fëmijët dhe kanë konfirmuar se këto fenomene shoqërohen edhe me zakone të këqija të pirjes tek baballarët.

Në rastet kur babai konsumonte alkool, pamë një ndryshim të thellë në fytyrën e foshnjës. Ekspozimi kronik i meshkujve ndaj alkoolit (i përcaktuar si konsumimi i më shumë se pesë pijeve në katër orë) mund të shkaktojë defektet themelore të FASD, thotë autori kryesor i studimit të ri, profesor Michael Golding, një fiziolog zhvillimi në A&M.

Hulumtimet kanë treguar se fëmijët e meshkujve që pinë kanë më shumë gjasa të lindin me sy më të vegjël, një fytyrë “të rrafshuar”, një gojë më të vogël dhe një nofull më të vogël ose të deformuar.

Një veçori tjetër është se veshët e të voglit janë të vendosur ndonjëherë më poshtë në krahasim me foshnjat, baballarët e të cilëve nuk pinin shumë dhe kjo dëmton edhe trurin. Gjegjësisht, ekziston mundësia më e madhe e mikrocefalisë (moszhvillimit të kokës dhe trurit), si dhe peshë më të vogël të lindjes. Dhe e gjithë kjo, sipas probabilitetit, përkeqësohet pasi prindi mashkull konsumon më shumë alkool, thonë shkencëtarët.