Të paktën katër persona u vranë në një sulm me bombë në Somali

Të paktën katër persona u vranë dhe 10 u plagosën në kryeqytetin e Somalisë, Mogadishu, kur një kamikaz hodhi veten në erë në një dyqan çaji. Dyqani ndodhet pranë një baze ushtarake.

Sipas reuters, në kohën kur sulmuesi vetëvrasës hodhi veten në erë, në çajtore kishte ushtarë dhe civilë duke pirë çaj, thanë banorët vendas.

Një banor, Ahmed Ismail, i tha reuters se kishte dëgjuar shpërthimin, por ushtarët nuk e lejuan të afrohej në vendin e ngjarjes.

Baza ushtarake pranë së cilës ndodhi shpërthimi ndodhet pranë garnizonit ushtarak turk, i cili po ndihmon në stërvitjen e trupave somaleze, shkruan ap.

Askush nuk e ka marrë ende përgjegjësinë për shpërthimin, por sipas agjencisë britanike, grupi islamik Al Shabab shpesh kryen bomba dhe sulme në Mogadishu dhe gjetkë në Somali.

Al Shabab dëshiron të rrëzojë qeverinë qendrore të Somalisë dhe të krijojë qeverinë e saj bazuar në një interpretim të rreptë të ligjit islamik të Sheriatit.

LEXO EDHE:

Back to top button