Testi NIPT falas me çdo invitro private në “Axhibadem Sistina”

Qendra e parë dhe më e madhe private IVF në Spitalin Klinik Axhıbadem Sistina aplikon një përfitim të ri për prindërit e ardhshëm – test jo-invaziv prenatal falas (NIPT), me çdo invitro private. Kjo iniciativë përfaqëson një hap të rëndësishëm drejt ofrimit të kujdesit edhe më gjithëpërfshirës, ​​të sigurt dhe modern për pacientët në rrugën e tyre drejt prindërimit. Duke përfshirë testin NIPT, në paketën për invitro private, prindërit e ardhshëm fitojnë vlerë shtesë dhe mundësinë për vlerësim të hershëm gjenetik të shtatzënisë, që mundëson informacion në kohë dhe të saktë.

Testi NIPT është i destinuar për çdo grua shtatzënë, dhe rekomandohet veçanërisht për shtatzënitë e konceptuara përmes fekondimit in vitro, gratë shtatzëna mbi 30 vjeç, rezultat pozitiv nga skriningu serologjik, një gjetje të dyshimtë me ultratinguj, si dhe në rastet e aborteve të mëparshme dhe në situata kur procedurat invazive diagnostikuese mbartin një rrezik në rritje për shtatzëninë. Me këtë test, prindërit e ardhshëm marrin një ekzaminim të hershëm, të sigurt dhe shumë të saktë gjenetik, pa rrezik për nënën dhe fetusin.

Qendra më e madhe private e IVF-së në rajon

Qendra për riprodhim të asistuar “Mala Bogorodica”, që vepron në kuadër të “Axhibadem Sistina”, konsiderohet një qendër reference në rajon. Deri më tani, janë kryer mbi 36,000 cikle IVF, me një shkallë suksesi të krahasueshme me qendrat kryesore të IVF-së në botë. Si pioniere në zbatimin e teknikave të riprodhimit të asistuar në vend, qendra investon vazhdimisht në teknologjinë më moderne, pajisjet moderne laboratorike dhe protokollet e trajtimit të personalizuara, me qëllim rritjen e shanseve për një shtatzëni të suksesshme për secilin çift.

Qendra IVF punëson një ekip shumë profesional dhe të koordinuar të përbërë nga gjinekologë, obstetër, andrologë dhe embriologë të shquar me shumë vite përvojë në fushën e riprodhimit të asistuar. Ekipi përfshin: tetë mjekë subspecialistë në riprodhimin e asistuar, tetë infermiere të trajnuara posaçërisht dhe nëntë embriologë, andrologë dhe teknikë laboratori me përvojë. Me një qasje individuale ndaj secilit pacient, ekipi ofron diagnostikë të detajuar, planifikim të kujdesshëm të trajtimit dhe monitorim të vazhdueshëm në të gjitha fazat e procesit, nga konsulta e parë deri në konfirmimin e shtatzënisë.

Laboratori i riprodhimit të asistuar është i pajisur sipas standardeve më të larta ndërkombëtare, dhe lejon aplikimin e metodave më moderne si: ICSI, përzgjedhja e avancuar e spermatozoidëve, kultivimi i blastocisëve, vitrifikimi i embrionit dhe vezës, çelje (heçing) e asistuar dhe diagnostikimi gjenetik para implantimit. Zbatimi i këtyre teknologjive rrit ndjeshëm mundësinë e implantimit të suksesshëm dhe një shtatzënie të shëndetshme.

Pse është i rëndësishëm testi NIPT?

NIPT është një test prenatal i sigurt dhe jo invaziv, i cili lejon zbulimin e hershëm të gjendjeve më të zakonshme kromozomale dhe gjenetike në fetus pa rrezik për nënën dhe fetusin. Testi kryhet thjesht duke marrë gjak nga nëna dhe bazohet në analizën e ADN-së së lirë fetale, e cila qarkullon në gjakun e saj.

Oferta speciale me testin NIPT të përfshirë realizohet në bashkëpunim me Laboratorin Biotek. Si pjesë e kësaj oferte, përfshihet edhe amniocenteza falas nëse rezultati tregon një rrezik të lartë, gjë që përfaqëson siguri shtesë për pacientët.

Një përfitim shtesë është mundësia e pagesës së shërbimeve deri në 60 këste pa interes përmes kredisë Mediplus BABY, nga Alta Banka “AD Bitola” (ShA Manastir), e cila miratohet brenda një dite.

Me këtë ofertë gjithëpërfshirëse, Qendra për riprodhim të asistuar në Axhibadem Sistina, forcon më tej pozicionin e saj si qendra kryesore IVF në rajon, duke siguruar teknologji të përparuar, një ekip ekspertësh dhe mbështetje të plotë për prindërit e ardhshëm në rrugën e tyre drejt pasardhësve të dëshiruar..