Tifozët grekë shkaktojnë incident në qendër të Shkupit

Pasditen e sotme në qendër të Shkupit tifozët e klubit grek të hendbollit për femra PAOK kanë shkaktuar një incident të lehtë.

Ata kanë zbritur nga autobusi në afërsi të “Rekordit”, e më pas janë nisur drejt sheshit dhe gjatë rrugës ka pasur një përleshje verbale dhe kanë sulmuar fizikisht një djalë i cili kishte veshur fanellën e klubit të Maqedonisë së Veriut, Vardarit.

Këtë informacion e ka konfirmuar edhe Ministria e Brendshme. Policia ka reaguar me shpejtësi dhe ka kthyer tifozët në autobus.

Sipas dëshmitarëve të ngjarjes, tifozët grekë kanë hyrë në dyqan dhe kanë vjedhur disa shishe me ujë, pas së cilës ka pasur një konfrontim verbal me shitësen.

Tifozët e PAOK-ut u ndaluan nga policia dhe humbën ndeshjen e klubit të tyre kundër Metalurgut.