Tjetër kritikë e ashpër e Leo Messit drejtuar Barcelonës

Lionel Messi është ende i mërzitur për largimin e Luis Suarez nga Barcelona, duke e përshkruar atë si një vendim ‘të çmendur’.

- Advertisment -

Suarez u konsiderua suficit nga trajneri i ri Ronald Koeman dhe u lejua të largohej nga klubi.

Destinacioni i tij ishte Atletico Madridi, pas një përpjekjeje të dështuar për t’u bashkuar me Juventusin në Serie A, dhe uruguajani po luan rolin e në skuadrën e Diego Simeone drejt titullit në La Liga.

Atletico është në nivel me Real Madridin në krye të tabelës, me dy ndeshje më pak të zhvilluara, ndërsa Barça ka mbetur tetë pikë larg, përcjell KosovaPress.

Messi ka vënë në pikëpyetje vendimin për të larguar jo vetëm mikun e tij të ngushtë, por edhe idenë që ai kaloi te rivalët e tyre kryesorë për titull.

“Unë e kisha menduar para Luis Suarez largimin, por kjo ishte e çmendur,” tha Messi në një intervistë të gjerë me “La Sexta” në të cilën ai foli për të ardhmen e tij.

“Nuk më pëlqente mënyra se si ai u largua. Nuk mendoja se ai e meritonte të largohej ashtu. Ai shkoi falas në një ekip që po lufton për të njëjtat gjëra si ne.”

Messi mbetet në kontakt të rregullt me Suarez dhe Neymar, këtë të fundit me të cilin do të përballet në Ligën e Kampionëve në shkurt.

“Unë flas me Luisin pothuajse çdo ditë, kemi një marrëdhënie shumë të mirë”, tha në fund Messi.

 

 

 

 

LEXO EDHE:

Back to top button