Tragjedi në Turqi/ Përmbyten zonat e prekura nga tërmeti, humbin jetën 14 persona

Turqia po përjeton një makth të ri pasi përmbytjet në vend kanë shkaktuar vdekjen e 14 personave. Zonat që u goditën nga shirat e dendura janë dy provincat që u shkatërruan nga tërmeti i muajit të kaluar.

Të paktën pesë persona u raportohen të zhdukur, ndërsa numri i atyre që kanë mbetur jashtë banesave ende nuk është llogaritur. Megjithatë, informacionet bëjnë me dije se bëhet fjalë për mijëra qytetarë.

⚠️🌊Depremden etkilenen Adıyaman, Şanlıurfa, Malatya ve Elazığ aşırı yağışlarla mücadele ediyor

📍Urfa’da can kayıpları var, dereler taştı, araçlar suya gömüldü

❗️Uzmanlar, kuraklık da yaşanan bölgede iklim değişikliğine dikkati çekiyor#Yeşilhat🌱https://t.co/Palrvnc606 pic.twitter.com/HnbT1xxs72

— Yeşilhat (@AA_Yesilhat) March 15, 2023

Mediat turke raportojnë se mes viktimave ka edhe persona që jetonin në çadra. Katër nga viktimat janë nga rajoni Sanliurfa, 50 km në veri të kufirit me Sirinë, ku ka ndodhur pjesa më e madhe e dëmeve. Së fundi, pesë nga viktimat janë sirianë.

Shirat e rrëmbyeshëm goditën zonën të martën vonë dhe sipas shërbimit të motit shirat e dendur do të zgjasin deri të mërkurën vonë.