Turqi, 6 anëtarë të një familjeje nxirren të gjallë nga rrënojat pas 100 orësh

Ekipet e shpëtimit kanë nxjerrë të gjallë nga rrënojat 6 anëtarë të një familjeje, pas më shumëë se 101 orësh. Ata mbijetuan duke qëndruar në një cep të vogël brenda një ndërtese të shembur në Iskenderun, tha Murat Baygul, një punonjës i kërkim-shpëtimit.

Deri më tani janë shënuar mbi 21 mijë viktima nga tërmeti që goditi Turqinë dhe Sirinë në orët e para të mëngjësit të së hënës.

Sipas ekspertëve, numri i viktimave pritet të rritet pas zbehjes së shpresës për të gjetur të mbijetuar të tjerë në rrënoja.