Ukraina: Donetsku është ende epiqendra e luftimeve

Presidenti ukrainas Volodymyr Zelensky ka thënë se rajoni i Donetskut në lindje mbetet “epiqendra” e luftimeve në konflikt, me qindra rusë që vriten çdo ditë.

“Rajoni i Donetskut mbetet epiqendra e çmendurisë më të madhe të pushtuesve”, citohet të ketë thënë Zelensky.

“Ata vriten me qindra çdo ditë. Toka përballë pozicioneve ukrainase është e mbushur me trupa të pushtuesve”.

Më herët gjatë luftës, rajonet lindore të Donbasit – Donetsk dhe Luhansk – u aneksuan në mënyrë të njëanshme nga Rusia së bashku me rajonet jugore të Kherson dhe Zaporizhzhia pasi autoritetet e instaluara nga Kremlini zhvilluan të ashtuquajturat referendume për pavarësinë e tyre nga Ukraina.