Ukraina në nevojë për armatime, SHBA i dërgon armët e sekuestruara nga Irani

SHBA do të njoftojë se do të dërgojë armë dhe municione iraniane në Ukrainë, sipas një zyrtari amerikan.

Për vite me radhë, forcat detare amerikane kanë konfiskuar armë që mendohet se kanë qenë në pronësi të Iranit, të cilat shkonin drejt luftëtarëve të mbështetur nga Teherani në Jemen.

Një zyrtar amerikan i tha Reuters se Ukraina do të marrë armë të vogla dhe municione nga këto rezerva.

Megjithatë, armët nuk kanë gjasa të bëjnë një ndryshim të madh në fushën e betejës pasi Ukraina kërkon kryesisht armë me rreze të gjatë dhe sisteme të mbrojtjes ajrore.

Kongresi i SHBA-së nuk përfshiu paketa të reja financiare për Ukrainën në projekt-ligjin e shpenzimeve që kaloi të shtunën për të mbajtur hapur qeverinë federale.