Varfëria godet Britaninë, 1 milion qytetarë nuk paguajne dot internetin

Një ngjarje e papritur ka filluar të shqetësojë Britaninë. Kjo për shkak të pamundësisë së shumë familjeve për të paguar internetin, duke rezultuar në ndërprerjen e këtij shërbimi.

Inflacioni në Britani mbetet më i lartë se 10%. Megjithatë, çmimet duket se janë rritur shumë edhe në tarifat e internetit. Kështu, familjet britanike janë nën presion nga të gjitha anët për shkak të rritjes së kostos së artikujve bazë të përditshëm.

Më konkretisht, sipas organizatës ndihmëse “Citizens Advice”, shërbimet e internetit në Britani këtë vit kushtojnë 17% më shumë se vitin e kaluar, duke detyruar që rreth 1.000.000 qytetarë të ndërpresin internetin.