Venger me përgjigje fantastike për krahasimin Ronaldo-Mesi

Arsene Vengeri është pyetur se cili është më i miri në mes të Lionel Mesit dhe Kristiano Ronaldos, duke dhënë përgjigje perfekte. Argjentinasi mori çmimin më të mirë të FIFA-s, duke u shpallur lojtari më i mirë i meshkujve në botë për vitin 2022.

Ai ia doli ta drejtonte Argjentinën drejt triumfit në Kupën e Botës, duke fituar kështu trofeun e vetëm që mungonte në muzeun e tij. Por, në ceremoninë e mbajtur në Paris, Venger u pyet se cili ishte lojtari më i mirë në histori të futbollit, Mesi apo Ronaldo.

“Kur ata të mos jenë më aty, ne do të kuptojmë se çfarë na kanë dhënë. Unë gjithmonë refuzoj të bëj krahasime në këtë çështje, sepse ata janë dy lojtarë të ndryshëm. Lojtarë krejtësisht të ndryshëm, por dy lojtarë të jashtëzakonshëm që i kanë treguar botës për 15 vjet se sa i madh mund të jetë futbolli”, deklaroi ish-trajneri i Arsenalit.