Verifikimi i pasurisë së funksionarëve publik, Qeveria përgatit propozim/Ligjin
![](https://alsat.mk/wp-content/uploads/2020/09/Qeveria_ndertesa-1-780x470.jpg)
Qeveria ka përgatitur draftin e propozim-Ligjit për verifikim e pasurisë së funksionarëve publik. Burime të Alsat nga organi ekzekutiv bëjnë të ditur se teksti i ligjit ndodhet në fazën studimore, ku jo zyrtarisht mësohet se një grup punë po punon në krahasimin e tij me praktikat nga rajoni. Drafti synon verifikimin e burimit të pasurisë për persona e zgjedhur dhe të emëruar. Grupet parlamentare akoma nuk janë njoftuar me draftin, për çka nuk duan të prononcohen deri sa Qeveria nuk e dorëzon tekstin për harmonizim.