Austria dhe Gjermania kanë zhvilluar një ndeshje miqësore në Vjenë në praninë e 46 mijë tifozëve në Ernst Happel stadium. Kanë qenë austriakët që kanë marrë fitore të pastër me rezultat 2-0, por ajo që bëri shumë bujë në këtë sfidë ishte kartoni i kuq nga Liroj Sane.
Ylli gjerman i Bajern Munihut la në baltë skuadrën pranë rezultatit 1-0 në minutën e 49-të, duke bërë një gjest josportiv. Sane fillimisht shkaktoi një ndërhyrje të palejueshme ndaj Filip Mvenesit dhe pastaj u ngrit në këmbë duke e grushtuar atë. Kjo bëri që gjyqtari ta përjashtoj menjëherë nga loja duke e ndëshkuar me karton të kuq.
little rat. even when the whole team plays shit sane is the highlight man pic.twitter.com/yE9IzRaBFD
— MusialaHub 💫 (@FCB_Arthur7) November 22, 2023
27-vjeçari ka folur pas ndeshjes duke kërkuar falje për gjestin e bërë, pasi tha se ishte i zhgënjyer me paraqitjen e tij në ndeshjen ndaj Turqisë, por edhe në sfidën ndaj Austrisë.
“I gjithë faji është te unë, kjo nuk mund të më ndodhë mua. Nuk kanë asnjë faj bashkëlojtarët e mi, por as kundërshtari. Isha i frustruar me paraqitjen time në ndeshjen ndaj Austrisë, por edhe disa ditë më parë ndaj Turqisë”, tha Sane pas ndeshjes.
