VIDEO / Kaos në derbin e Melburn-it, gjakoset portieri
Skena të shëmtuara absolutisht të papranueshme në Derbin e Melbournit mes City-t dhe Victory-t. Ndeshja e kampionatit australian u ndërpre rreth minutës së 20-të pasi tifozët pushtuan fushën dhe goditën portierin e Melbourne City-t, Glover, i cili u gjakos nga tifozët kundërshtarë.
Melbourne City, ku ishte aktivizuar titullar mesfushori i përfaqësueses së Kosovës, Valon Berisha, por udhëhiqte 1-0 këtë derbi me gol të O’Neill në minutën e 11-të, kur ndodhi dhe episodi i shëmtuar.
Të dy grupet e tifozëve kishin hedhur fishekzjarrë në fushë, por situata u përshkallëzua kur u shfaq një flakadan që goditi një kameraman të Channel 10, më pas situata precipitoi kur Glover mori një tjetër flakadan nga toka dhe e hodhi përsëri në tribunë.
Tifozët e Melbourne Victory çanë rrethimin duke goditur pa mëshirë portierin Glover me një kovë metalikë të mbushur me flakadanë, duke i shkaktuar madje gjakderdhje.
Gjyqtari i ndeshjes nuk kishte zgjidhje tjetër veçse të tërhiqte lojtarët nga fusha dhe të pezullonte lojën, përpara se ajo të ndërpritej përfundimisht pak më vonë./Supersport/
Absolutely unacceptable ugly scenes at 20 minutes at the Melbourne Derby. Glover got smashed by a bin by some fuckwit. Terrible. Game paused. As if Aus football couldn’t get any worse rn #MCYvMVC pic.twitter.com/zN8CMMEFVe
— Evan Morgan Grahame (@Evan_M_G) December 17, 2022