VIDEO / Lojtarët e Perusë përleshen me policinë, arrestohet portieri
Një skandal ka ndodhur në kryeqytetin e Spanjës, Madridin me futbollistët e kombëtares së Perusë me policinë. Kombëtarja e Perusë ka zbarkuar në Madrid për ndeshjen miqësore që sot luan me Marokun në stadiumin ‘Wanda Metropolitano’.
Por një skandal ka ndodhur teksa futbollistët e Perusë janë përleshur me policinë spanjolle para hotelit ku po qëndronin. Teksa futbollistët ishin duke u përshëndetur me tifozët e tyre, autoritet spanjolle ndërhynë dhe nga ky moment nisi përleshja me futbollistët që kundërshtuan forcat e rendit.
Si pasojë e rrëmujës së krijuar u arrestua portieri i kombëtares peruane, Pedro Gallese. Ky i fundit përfundoi në stacionin e policisë në Madrid, aty ku pas disa minutash u la i lirë.
🚨 Peru players clash with Spanish police in Madrid. 😳👮♂️🇵🇪
— Football Tweet ⚽ (@Football__Tweet) March 27, 2023