VIDEO: Reagon ministri spanjoll, kolegu izraelit publikoi një video të tmerrshme dhe skandaloze
VIDEO: Reagon ministri spanjoll, kolegu izraelit publikoi një video të tmerrshme dhe skandaloze
Ministri i Jashtëm i Spanjës e ka dënuar si “skandaloze dhe të tmerrshme” një video të publikuar nga homologu i tij izraelit që sugjeron se Hamasi do të falënderojë Spanjën për njohjen e shpallur të Palestinës, në mes të grindjeve në rritje midis Spanjës dhe Izraelit për luftën në Gaza.
.@sanchezcastejon, Hamas thanks you for your service. pic.twitter.com/Pkdp5diHRX
— ישראל כ”ץ Israel Katz (@Israel_katz) May 26, 2024
Videoja tregon një flamur spanjoll dhe më pas një çift duke kërcyer nën muzikë flamenko, të ndërthurura me pamjet e luftëtarëve të Hamasit dhe njerëzve që po largoheshin gjatë sulmit të Hamasit në jug të Izraelit më 7 tetor që nisi fushatën ushtarake të Izraelit në Gaza.
“Nuk do të biem në provokime. Videoja është skandaloze dhe e tmerrshme”, tha ministri i Jashtëm spanjoll Jose Manuel Albarez në një konferencë për shtyp në Bruksel.
“Është skandaloze sepse e gjithë bota e di, duke përfshirë edhe kolegun tim në Izrael, që Spanja i dënoi veprimet e Hamasit që në momentin e parë”. “Dhe përdorimi i tmerrshëm i një prej simboleve të kulturës spanjolle,” shtoi ai.
Ministrja spanjolle e Mbrojtjes Margarita Robles tha të shtunën se konflikti në Gaza është një “gjenocid i vërtetë”, duke i bërë jehonë komenteve të zëvendëskryeministres spanjolle Yolanda Diaz, e cila javën e kaluar gjithashtu e përshkroi konfliktin si gjenocid.
Izraeli ka hedhur poshtë me forcë akuzat e Afrikës së Jugut kundër tij në Gjykatën Ndërkombëtare të Drejtësisë se ka kryer gjenocid kundër palestinezëve, duke thënë se ka vepruar për të mbrojtur veten dhe për të luftuar Hamasin. Spanja, së bashku me Irlandën dhe Norvegjinë, njoftuan këtë javë se do të njihnin një shtet palestinez më 28 maj.
Izraeli tha se ishte një “shpërblim për terrorizmin” dhe tërhoqi ambasadorët e tij nga tre kryeqytetet. Në komentet e saj në një intervistë televizive dje, Robles tha se njohja e Palestinës e shpallur nga Madridi nuk ishte një veprim kundër Izraelit, por synonte të ndihmonte në përfundimin e dhunës në Gaza.
