Video/Tifozët rreth stadiumit, me flakadanë nderojnë Maradonën
Ndonëse nuk lejohen në shkallë, tifozët e Napolit u grumbulluan përreth stadiumit të qytetit, që tani e në vijim do të mbajë emrin e legjendës Maradona, për të bërë homazhe për njeriun që shkroi historinë me fanellën e klubit dhe që u nda nga jeta një ditë më parë.
Mijëra napolitanë u grumbulluan përreth stadiumit në prag të ndeshjes mes Napolit e Rijekës, ndërsa menjëherë pasi në fushë u mbajt një minutë heshtje në nderim të kujtimit të Maradonës, jashtë shpërtheu një kor i jashtëzakonshëm duartrokitjesh.
Estadio a Diego Armando Maradona de la ciudad de Napoli.
Video de @museodiemozioni pic.twitter.com/Z2laKZOpTq
— El fútbol va con vos (@Relatoresconvos) November 26, 2020
Nuk munguan flakadanët, brohorimat dhe kënga tashmë e famshme “Ho visto Maradona” (Kam parë Maradonën), që u këndua në kor nga të gjithë të pranishmit përreth stadiumit.
Diego Armando Maradona veshi fanellën e Napolit për 7 vite, në periudhën 1984-1991 dhe arriti të fitojë dy tituj kampionë me të kaltrit, duke shkruar historinë e klubit dhe duke u shndërruar në një idhull për të gjithë napolitanët.
#Napoli #DiegoEterno pic.twitter.com/19upgxdO74
— LaMitadMas1 (@lamitadmas1) November 26, 2020
Menjëherë pas vdekjes së tij, me nismën e presidentit të Napolit Aurelio De Laurentiis dhe miratimin e menjëhershëm të autoriteteve lokale të qytetit, nisën procedurat për ndryshimin e emrit të stadiumit nga “San Paolo” në “Maradona”.(Supersport.al)
Napoli pays tribute to Football Icon Diego Maradona👑🙏
📽 @GoalItaliapic.twitter.com/c2bkGOVMJO
— VBET News (@VBETnews) November 26, 2020