Vigenin: Vetoja mbetet, pavarësisht përmbajtjes së propozimit francez

Pavarësisht se çfarë përmban propozimi francez, vetoja ndaj Maqedonisë nuk do të tërhiqet, tha nënkryetari i Asamblesë Kombëtare Bullgare dhe nënkryetari i Partisë Socialiste Bullgare (PSB) Kristian Vigenin për Radion Kombëtare Bullgare.

Sipas tij, në ditët në vijim “do të shpërthejë balona e radhës” – tema e Maqedonisë së Veriut, e cila në mënyrën më brutale e përdori “Ka një popull të tillë” për të justifikuar “lëvizjet e saja” në javët e fundit.

“Definitivisht nuk do të ketë heqje të vetos. Çfarëdo propozimi të vijë nga presidenca franceze do të shqyrtohet, por nuk mund të ndodhë javën e ardhshme. Kemi kohë të mjaftueshme për të parë nëse është mirë për Bullgarinë, cilat janë hapat e ardhshëm dhe për të ndërtuar një strategji. “Nuk ka asgjë urgjente për këtë çështje,” tha Vigenin.