VMRO-LSDM, përplasje për korridoret 8-10D

Gazetar: Ile Petrevski

Nënkryetari i VMRO-DPMNE Aleksandar Nikollovski akuzon se vetëm 30% e punëtorëve të planifikuar në autostradat që do të ndërtohen nga konsorciumi amerikano-turk Bektel- Enka do të jenë nga vendi, ndërsa 70% e mbetur sipas tij do të jenë punëtorë nga jashtë. Kjo do të jetë një goditje serioze për sektorin e ndërtimtarisë, i cili tashmë ankohet për likuiditetin e dobët të kompanive me arsyetimin se shumica e projekteve kapitale ndërtohen nga kompani të huaja. Nga opozita kërkojnë që Qeveria ta thotë të vërtetën dhe të mos i mbajë pezull biznesmenët vendas nga sektori i ndërtimtarisë.

“Publikoj dy dokumente të cilat, sipas informatorëve që na i kanë dorëzuar, janë pjesë e marrëveshjes së kontestuar për ndërtimin e autostradave. Bëhet fjalë për planin 11 të marrëveshjes në lidhje me numrin e punëtorëve dhe planit të punës. Ai përcakton se sa punëtorë do të punojnë në autostradë dhe sa prej tyre do të jenë nga jashtë dhe sa do të jenë vendas. Para të mëdha do të dalin jashtë në kushte varfërie, përkatësisht nga numri i përgjithshëm i punëtorëve, vetëm 30% do të jenë vendas, ndërsa 70% do të jenë të huaj”, deklaroi Vizart Aleksandar Nikollovski, nënkryetar i VMRO-së.

LSDM reagoi dhe tha se Aleksandar Nikollovski përhap të pavërteta për projektin strategjik për ndërtimin e Korridoreve 8 dhe 10D. LSDM citon nenin e ligjit për ndërtimin e autostradave, i cili përcakton që 51% të jetë burime vendase.

“Neni 11, paragrafi 3, përkatësisht në pjesën që rregullon angazhimin e punëtorëve nga vendi dhe jashtë vendit, përcakton qartë detyrimin që partneri strategjik të përdorë të paktën 51% të burimeve vendore. Kjo do të thotë se nëse vendi ynë ka burime të mjaftueshme ose fuqi punëtore, numri i burimeve të angazhuara në nivel lokal mund të jetë më shumë se 51%. Në nenin 13, paragrafi 1 thuhet qartë se punëtorët e punësuar duhet të kenë lejet e nevojshme të qëndrimit dhe të punës dhe sipas këtij ligji të veçantë, kjo procedurë përcaktohet saktësisht, pra ajo që është në kontratë është në përputhje me ligjin”, thonë nga LSDM.

Marrëveshjen e nënshkruar me Bektel- Enka,  Qeveria do t’ua dërgojë deputetëve që kanë certifikatë sigurie. /Alsat.mk