VMRO po kryen një operacion të koordinuar për të shkatërruar LSDM-në nga brenda, akuzon partia opozitare

Gazetar: Angell Dimoski

Pushteti, përmes Jovan Despostovskit, po kryen një operacion të koordinuar për të shkatërruar LSDM-në nga brenda , akuzon partia opozitare. Petar Ognjenoviq, nga partia e Filipçes akuzoi Despotovskin se po përpiqet të destabilizojë partinë në marrëveshje me anëtarët e VMRO-DPMNE-së. Kjo fushatë sipas LSDM-së po bëhet me mbështetje të Partisë së Vuçiqit. Ognjenoviq kërkoi nga organet e parties që Despotovski të përjashtohet menjëhërë.

“Një sistem i tërë, një oktapod i udhëzuar nga SNS dhe që menaxhon plotësisht koalicionin VMRO-ZNAM po e zbaton këtë fushatë. Qytetarët mund t’i shihnin këto përpjekje çdo ditë. Së pari, pati paraqitje nga një ish-zyrtar. Pastaj, dolën iniciativa të supozuara nga dy ish-zyrtarë që nuk u shfaqën publikisht. Pastaj u përfshinë personazhe krejtësisht të parëndësishëm që prej kohësh kanë pushuar së qeni pjesë e LSDM-së, por kanë përfunduar në ZNAM. E gjithë kjo në të njëjtën kohë, pasi LSDM u ngrit dhe AKT filloi të publikonte provat. Ky është një tjetër zbulim publik se si funksionon ky sistem. Qëllimi është shkatërrimi i LSDM-së dhe heshtja e saj, ndalimi i publikimit të krimeve të qeverisë. Le të jemi të qartë: Nuk ka ndalesë. AKT po punon dhe ne do të publikojmë gjithçka!”, tha Petar Ognjenoviq – anëtar i Bordit Ekzekutiv të LSDM-së.

Jovan Despotovski nga ana tjetër shprehu zhgënjim publik me vendimet e drejtuesve actual të parties. Ai porosity Filipçen se partia kishte dhe do të ketë personalitete më të mëdha se ai.

“Sinqerisht, pas 30 vjetësh përvojë politike, më së paku prisja që partia ime amë të më linte plotësisht pa fjalë dhe pa koment. Në të gjitha paraqitjet publike, unë kam qenë sa më i moderuar edhe në situata, dhe për njerëz që absolutisht meritonin një qëndrim të mprehtë. Nëse ky moderim tani po bëhet një kërcënim për udhëheqjen aktuale të partisë, atëherë LSDM ka një problem shumë më të madh se sa mendojmë”, deklaroi Petar Ognjenoviq – anëtar i Bordit Ekzekutiv të LSDM-së.

VMRO-DPMNE u përgjigj se nuk ka sulm të koordinuar ndaj LSDM-së, por vetëm zbulim të koordinuar që Zaev po ndërton në Dubai dhe Filipçe ka një vizë të artë.

“Nuk ka sulm të koordinuar ndaj LSD-së, ka një zbulim të koordinuar që Zoran Zaev po ndërton në Dubai dhe Venko Filipçe mori një vizë të artë atje. Kjo është arsyeja pse LSD po dështon kaq shumë dhe në mënyrë të koordinuar. Le të kërkojnë përgjigje te Zaevi dhe Bashanoviqi”, thonë nga VMRO-DPMNE. /Alsat.mk