VMRO vijon protestat para institucioneve
Opozita maqedonase proteston edhe sot në Shkup dhe në 15 qytete të tjera, për të shprehur revoltën ndaj kontestit mes Shkupit e Sofjes. VMRO DPMNE-ja akuzon pushtetin për negociata sekrete me palën bullgare, në dëm të identitetit maqedonas, gjuhës, kulturës, zakoneve dhe pakicës maqedonase në Bullgari. Protestuesit kërkojnë dorëheqjen e Qeverisë Zaev, me pretendimin se për identitetin nuk ka legjitimitet të negociojë për asgjë, aq më pak për integrim në Unionin Evropian, e cila në thelb bazohet në shumë-llojshmërinë e popujve.
